Fins.az - Rusiya qazının Ukrayna üzərindən Avropa İttifaqına tədarükünün 2025-ci il yanvarın 1-dən dayandırılmasına baxmayaraq, Aİ-də elektrik enerjisinin qiymətlərində artım müşahidə edilmir.

Avropa Komissiyasının nümayəndəsi Anna-Kaysa İtkonen Brüsseldə keçirilən mətbuat konfransında bildirib ki, “Yeni ildə qiymət artımı müşahidə etmədik, bazar sabit olaraq qalır.” O, həmçinin AK-nın elektrik enerjisinin qiymətlərini diqqətlə izlədiyini vurğulayıb.

Qeyd edək ki, tədarükün dayandırılmasının səbəbi Ukraynanın Rusiya ilə tranzit müqaviləsini uzatmamasıdır. Hazırkı bazar sabitliyi Aİ-nin enerji sektorundakı ehtiyat tədbirləri və alternativ mənbələrə yönəlməsi ilə əlaqələndirilə bilər.