2024-cü il dekabrın 1-dən etibarən, Çin ikili istifadəyə malik malların ixracını tənzimləyən yeni qaydalar tətbiq edəcək.

Fins.az xəbər verir ki, baş nazir Li Çyan tərəfindən imzalanan bu qaydalar, mülki və hərbi məqsədlər üçün istifadə oluna bilən məhsulları, o cümlədən kütləvi məhv silahları və onların daşıma vasitələrini əhatə edir.

Yeni qaydaların məqsədi, ixrac edilən malların dövlətin təhlükəsizliyinə zərər verməsinin qarşısını almaqdır. Qaydalar ciddi nəzarət və lisenziyalama prosesinə əsaslanır, bu da Çin hökumətinin ixrac siyasətini şəffaflaşdırma səylərinin bir hissəsidir.

Bu addımlar, beynəlxalq təhlükəsizliyin artırılması və risklərin azaldılması məqsədini güdür, eyni zamanda Çin’in beynəlxalq münasibətlərdə daha məsuliyyətli bir oyunçu olmağı hədəflədiyini göstərir.