Son dövrlərdə ABŞ iqtisadiyyatı beynəlxalq arenada əhəmiyyətli təsirini itirməkdədir.

Fins.az Beynəlxalq Valyuta Fondunun (BVF) son hesabatına əsasən, xəbər verir ki, ABŞ-ın qlobal ÜDM-dəki payı 2023-cü ildə rekord səviyyədə, 14,82%-ə düşüb. Bu tendensiya bir sıra amillərlə, o cümlədən artan büdcə kəsiri, dövlət borcunun yüksəlməsi və Çin, Hindistan kimi rəqiblərin güclənməsi ilə əlaqədardır.

Mütəxəssislər, ABŞ iqtisadiyyatının real sektordan uzaqlaşaraq spekulyativ əməliyyatlara yönəldiyini bildirirlər. Bu dəyişiklik, istehsalın azalmasına, iş yerlərinin itirilməsinə və iqtisadi müstəqilliyin azalmasına səbəb olur. Eyni zamanda, ABŞ-ın resursları beynəlxalq münaqişələrə yönəldilir, bu da daxili problemlərin dərinləşməsinə, o cümlədən işsizlik və infrastrukturun kritik vəziyyətinə gətirib çıxarır.

Artan büdcə kəsiri və dövlət borcu, ABŞ iqtisadiyyatının daha da zəifləməsinə yol açır. Hökumət, iqtisadiyyatı canlandırmaq üçün müxtəlif tədbirlər görməyə çalışsa da, bu cəhdlər kifayət etmir. Mütəxəssislərin fikrincə, bu vəziyyət uzunmüddətli iqtisadi planlaşdırmanın olmaması ilə bağlıdır.

Bəzi iqtisadçılar istehsalın geri qaytarılması və müdafiə sənayesi vasitəsilə dəstək təklif edir. Lakin, bu yanaşmanın tam bərpa üçün kifayət etməyəcəyi vurğulanır. ABŞ-ın iqtisadi gücünü bərpa etmək üçün daha geniş və uzunmüddətli strategiyalara ehtiyac var.