İyun ayında təsdiqlənmiş Ukraynaya 50 milyard dollarlıq kreditlə bağlı ABŞ və Avropa İttifaqı arasında hələ də fikir ayrılıqları var. İndi Ağ Evin hazırkı rəhbəri Co Baydenin prezidentlik yarışından geri çəkilməsi ilə əlaqədar bu fikir ayrılıqları kreditin ayrılması prosesində fasilələrə səbəb ola bilər. Fins.az xəbər verir ki, Amerika və Avropa rəsmiləri Respublikaçılar Partiyasından prezidentliyə namizəd Donald Trampın qalib gələcəyi təqdirdə vəsaitlərin ayrılmasına mane olacağından ehtiyat edirdilər.

Buna görə də davam edən fikir ayrılıqlarına baxmayaraq, krediti sürətləndirməyə qərar verdilər. Bununla belə, cənab Baydenin Demokrat namizəd kimi vitse-prezident Kamala Harrislə əvəzlənməsi vəziyyəti dəyişdi. Avropa və Amerika rəsmiləri, Politico-nun həmsöhbətlərinin fikrincə, xanım Harrisin qələbəsinə əmindirlər və artıq təcili kreditə ehtiyac görmürlər.

Kaira Agayeva 

Fins.az