Bu gün, avqustun 30-da təxminən səhər saat 9:30-da (Moskva vaxtı ilə 10:30) Almaniyanın qərbindəki Troisdorf şəhərindəki hərbi zavodda güclü partlayış baş verib. İki nəfərin ağır yaralanaraq xəstəxanaya aparıldığı bildirilir.

Fins.az xəbər verir ki, Zavod Diehl Defence müdafiə konserninin törəmə şirkətləri olan Dynitec və DynaEnergetics-ə məxsusdur və partlayıcı maddələr istehsal edir. Alman mətbuatı yanğınsöndürmə xidmətinin bəyanatına istinadən yazır ki, zavod binasına ciddi ziyan dəyib. Polis hadisənin səbəbləri ilə bağlı araşdırmalara başlayıb. İlkin versiya kimi istehsalat qəzası hesab edilir.

May ayında Berlindəki başqa bir Diehl zavodunda güclü yanğın baş verdi.

Kaira Agayeva 

Fins.az