Polşa Silahlı Qüvvələri, Rusiyanın uzaqmənzilli aviasiya fəaliyyətinə cavab olaraq, ölkənin və NATO müttəfiqlərinin hərbi təyyarələrinin havaya qalxdığını bildirib. Polşa təyyarələrinin cənub-şərq bölgəsində uçduqları qeyd edilib.

Fins.az xəbər verir ki, Polşa ordusunun əməliyyat komandanlığı səhər tezdən Rusiyanın uzaqmənzilli aviasiyasının Ukraynanın qərb bölgələrinə hücumları ilə əlaqədar artan aktivliyi müşahidə etdiklərini açıqlayıb. Komandanlıq vəziyyəti daim izlədiklərini bildirib.

Avqustun 26-da səhər saatlarında Kiyev, Odessa, İvno-Frankivsk, Vinnitsa, Jitomir, Lutsk, Xmelnitski, Lvov, Poltava və Çerniqov vilayətlərində partlayışlar baş verib. Enerji şirkəti DTEK ölkə daxilində elektrik enerjisinin fövqəladə kəsildiyini bildirib.

Kaira Agayeva 

Fins.az