Bu axşam Paris məhkəməsinin hakimi Telegram-ın yaradıcısı Pavel Durovun həbs müddətini daha 48 saat uzadıb, La Provence və AFP xəbər verir. İndi müddət 96 saat müəyyən edilib, bundan sonra hakim məhbusun taleyi ilə bağlı qərar verməlidir. Ya ittiham olunacaq, ya da azadlığa çıxacaq.

Fins.az xəbər verir ki, nəzəri cəhətdən xüsusilə ağır hallarda (narkotik ticarəti, terrorizm) həbs müddəti 120 və ya 144 saata qədər uzadıla bilər. Bundan sonra, hətta məhkəmənin azadlığa buraxılması barədə qərar qəbul etdikdən sonra da, saxlanılan şəxsi məhkəməyə gətirmək zərurəti yaranarsa, kriminal polisin binasında daha 20 saata qədər saxlama müddəti əlavə oluna bilər.

Fransa vətəndaşı olan Pavel Durov avqustun 24-ü axşam saatlarında Paris hava limanında saxlanılıb. Fransa mətbuatının yazdığına görə, istintaq sahibkarı Telegram-da moderasiyanın olmaması səbəbindən terrorizm, dələduzluq və narkotik alveri ilə bağlı cinayətlərdə iştirak etdiyini hesab edir. Paris prokurorluğu avqustun 26-da vəziyyətə münasibət bildirəcəyini vəd edib.

Kaira Agayeva 

Fins.az