Çexiya prezidenti Petr Pavel, Ukrayna üçün ədalətli sülhün Rusiyanın tərkibində olan bütün ərazilərin, o cümlədən Krımın, Ukraynanın nəzarətinə qaytarılması demək olduğunu bildirib. Lakin onun fikrincə, bu ssenari daha çox illüziyadır və kompromis variantları axtarmaq lazımdır. “Reallıq bir az fərqli olacaq. Biz ədalətli dünyaya mümkün qədər yaxınlaşmaq istəyirik”, - deyə Pavel "Novinky" portalına müsahibəsində vurğulayıb.

Fins.az-ın məlumatına görə, Pavelin fikrincə, sülh danışıqları aparılarsa, ən uzun müddət ərazi məsələləri müzakirə olunacaq. O, Donetsk, Luqansk, Zaporojye və Xerson vilayətlərinin Rusiyanın tərkibinə daxil olmasını “müvəqqəti işğal” kimi qəbul edir.

İyunun 14-də Rusiya prezidenti Vladimir Putin, Ukrayna qoşunlarının Donetsk, Luqansk, Zaporojye və Xerson vilayətlərindən çıxarılmasını danışıqlar və atəşkəs üçün şərt kimi göstərmişdi. Ukrayna prezidenti Vladimir Zelenski isə danışıqlara hazır olduğunu, lakin ərazi güzəştlərini istisna etdiyini bildirib.

Kaira Agayeva 

Fins.az