Kanadanın mədən şirkəti "Lucara Diamond" Botsvanadakı Karowe yatağında 2492 karatlıq almaz aşkar edib. 

Bu haqda şirkətin mətbuat xidməti xəbər verir.

Fins.az xəbər verir ki, almaz, böyük qiymətli daşları aşkar etməyə və bütövlükdə bərpa etməyə imkan verən xüsusi X-ray texnologiyası Mega Diamond Recovery X-ray Transmission istifadə edərək bərpa edilib. Şirkət bu texnologiyanı 2017-ci ildə iri, yüksək qiymətli almazları müəyyən etmək və qorumaq üçün quraşdırıb.

Əvvəllər də bu mədəndə 1758 karatlıq Sevelo almazı və 1109 karatlıq Lesedi La Rona almazı tapılmışdı.
 

Kaira Agayeva 

Fins.az