ABŞ xarici siyasətinin önəmli simalarından olan keçmiş dövlət katibi Henri Kissincer 100 yaşında dünyasını dəyişib.

Fins.az xəbər verir ki, Riçard Niksonun dövründə dövlət katibi vəzifəsini icra edən və 20-ci əsrdə ABŞ xarici siyasətinin ən mühüm simalarından birinə çevrilən Henri Kissincer 100 yaşında vəfat edib.

Kissinger Associates konsaltinq şirkəti Kissincerin vəfat etdiyini açıqlasa da, səbəbi açıqlanmayıb.

Kissincer 1973-cü ilin sentyabrından 1977-ci ilin yanvarınadək Cerald Ford və Riçard Niksonun prezidentlikləri dövründə ABŞ dövlət katibi vəzifəsində çalışıb.

O, həmçinin 1969-1975-ci illərdə Milli Təhlükəsizlik Müşaviri vəzifəsində çalışıb. Kissincer 1974-cü ildə Türkiyənin Kipr əməliyyatı zamanı ABŞ dövlət katibi olub.

Məşhur diplomat uzun karyerası boyunca bir çox prezidentlərə, o cümlədən Co Baydenə məsləhətlər verib və Vyetnam müharibəsini sona çatdırmaq üçün danışıqları asanlaşdırdığına görə Nobel mükafatını qazanıb.

Nikson 1968-ci ildə ABŞ prezidenti seçilməzdən əvvəl Kissincer Harvard Universitetində akademik olub. Niksonla sıx əməkdaşlıq edən Kissincer 1969 və 1970-ci illərdə Kambocanın gizli bombardmanları da daxil olmaqla, Vyetnam müharibəsini bitirmək qərarında mühüm rol oynadı. 1973-cü ildə Nobel Sülh Mükafatını qazanan Kissincer ən mübahisəli mükafatlar sırasında idi.

2023-cü ilin mayında 100 yaşı tamam olan Kissincer ad günündən əvvəl CBS telekanalına verdiyi müsahibədə onun xarici siyasətini “cinayət” kimi görənlərlə bağlı “Bu, onların məlumatsızlığının bir əksidir, o cür düşünülməmişdi” demişdi.

Kissincerin ölümündən sonra ABŞ-ın keçmiş prezidenti Corc Buş bildirib ki, ABŞ xarici əlaqələrdə ən etibarlı və asılı adını itirib. 

Günel Məlikzadə
Fins.az