Qətər İsrail və HƏMAS-ın Qəzzada davam edən atəşkəsi bir gün uzatdığını açıqlayıb.

Fins.az xəbər verir ki, Qəzzada atəşkəs yenidən uzadılıb. 6 gündür davam edən atəşkəsin sona çatacağı gözlənildiyi halda, tərəflər müddətin daha bir gün uzadılması ilə bağlı razılığın əldə edildiyini açıqlayıb.

Qətər bəyan edib ki, İsrail və HƏMAS atəşkəsi bir gün daha uzatmağa razılaşıblar.

İsrail ordusu atəşkəsin bu səhərdən sonra da davam edəcəyini təsdiqləsə də, atəşkəs cədvəli ilə bağlı açıqlama verməyib.

"Əməliyyat fasiləsi vasitəçilərin girovların azad edilməsi prosesini davam etdirmək səyləri fonunda və çərçivənin şərtlərinə uyğun olaraq davam edəcək", - İsrail Müdafiə Qüvvələrinin X-də dərc olunan mesajında ​​deyilib.

Qəzza zolağında HƏMAS və İsrail arasında münaqişədə "humanitar fasilə" cümə axşamına qədər uzadılıb. Razılaşma çərçivəsində Qəzzada hər gün 10 İsrailli qadın və uşaq məhbusun, İsrail həbsxanalarında isə 30 qadın və uşaq məhbusun hər gün azad edilməsi qərara alınıb.

Günel Məlikzadə
Fins.az