Yarımkeçiricilərin istehsalı üçün avadanlıq, xidmətlər və proqram təmin edən Applied Materials, yarımkeçirici innovasiyaları sürətləndirmək üçün Silikon Vadisində Ar-Ge mərkəzi yaratmaq üçün 4 milyard dollar sərmayə qoymağı planlaşdırdığını açıqlayıb.

Fins.az "Bloomberg"ə istinadən xəbər verir ki, Applied Materials-ın mərkəzin yaradılması üçün yaxın 7 ildə 4 milyard dollara yaxın sərmayə qoymağı və yeni mərkəzin tikintisinin 2026-cı ilin əvvəlində başa çatdırılmasının planlaşdırıldığı bildirilib.

Mərkəz ilk 10 ildə təxminən 25 milyard dollarlıq tədqiqat işinə ev sahibliyi edəcək. Tikinti dövründə mərkəzdə 1500-ə yaxın inşaat işçisi, 2000-ə yaxın mühəndis və potensial olaraq 11 min digər sənaye işçisi çalışacaq.

Zəminə Hüseyn
Fins.az