Ukraynanın İnfrastruktur Naziri Kubrakov görüşün nəticələrinə əsasən bildirib ki, müqavilənin uzadılması ilə bağlı məsləhətləşmələr onlayn formatda davam etdiriləcək.

Fins.az xəbər verir ki, danışıqlar zamanı Ukrayna tərəfi taxıl təşəbbüsünün uzadılmasında təkid edib.

Rusiya Xarici İşlər Nazirliyi bəyan edib ki, mayın 18-dək "Rusiyanın tələblərini nəzərə alaraq konsensusa nail olmaq" mümkün olmazsa, saziş öz fəaliyyətini dayandıracaq.

"Tərəflər Türkiyənin ev sahibliyi etdiyi dördtərəfli formatda texniki səviyyədə işlərin davam etdirilməsi barədə razılığa gəliblər", - Türkiyə Müdafiə Nazirliyinin açıqlamasında deyilir.

Taxıl dəhlizi sazişi kimi tanınan saziş Rusiya və Ukrayna arasında BMT ilə, Türkiyə ilə isə ayrıca keçən iyul ayında İstanbulda bağlanıb və o vaxtdan bu yana iki dəfə uzadılıb.

Rusiya-Ukrayna müharibəsi başlayandan 2022-ci ilin fevralından iyuluna qədər Ukrayna limanları tamamilə bağlanıb.

BMT və bir çox ölkələr ölkədən ərzaq ixracının blokadasının ən kasıb ölkələrdə aclıq da daxil olmaqla qlobal nəticələrə səbəb ola biləcəyini bildirib. 

2023-cü ilin martında sövdələşmənin müddəti mayın 18-dək uzadıldı.