Meksika prezidenti Andres Manuel Lopez Obradorun sözlərinə görə, Elon Musk avtomobil istehsalçısının növbəti fabrikasını Meksikanın şimalında, xüsusən də şimal Nuevo Leon əyalətinin paytaxtı Monterreydə tikməyi öhdəsinə götürüb.

Bu barədə Fins.az CNN-ə istinadən xəbər verir.

Tesla-nın ərazidə tikintiyə başlayacağı ilə bağlı bəzi suallar var idi. 2022-ci ildə Monterreydə ciddi su çatışmazlığı yaşandıqdan sonra prezident Lopez Obrador hökumətin fabriklərə icazə verməyəcəyini söylədi. Elon Musk ilə bir sıra telefon danışıqlarından sonra Tesla-ya bir istisna verildi. "Elektrikli avtomobillərin istehsalında istifadə olunan bütün suyun təkrar emal edilmiş su olacağına dair öhdəlik var" dedi Lopez Obrador və əlavə etdi ki, fabrik həm də "əhəmiyyətli investisiyalar və çoxlu sayda iş yerləri" deməkdir.

Zəminə Hüseyn
Fins.az