Almaniya və Avstriya gələcəkdə qaz böhranı zamanı iri qaz anbarlarından birgə istifadəyə dair saziş imzalayıblar.

Fins.az xəbər verir ki, Almaniya İqtisadiyyat və İqlim Mühafizəsi Nazirliyindən verilən açıqlamada, Avstriya ilə "Haidach" və 7 təbii qaz anbarının istifadəsi və doldurulması üçün ortaq məsuliyyəti götürmək üçün müqavilə imzalandığı bildirilib.

Açıqlamada qeyd edilib ki, yeni saziş bu gün Vyanada Almaniyanın İqtisadiyyat və İqlim Mühafizəsi naziri Robert Habek və Avstriyanın İqlim Mühafizəsi naziri Leonore Gevesler tərəfindən imzalanıb.