Apple, 13 inç MacBook Pro’yu, yeni Magic Keyboard ilə yeniləyib və yaddaş tutumunu ikiqat artırıb. Yenilənən MacBook Pro-da digər modellərdə olduğu kimi klaviatura istisna olmaqla, dizaynda başqa bir dəyişiklik olmayıb. Yeni məhsul 80%-ə qədər daha sürətli qrafik performans üçün 10-cu nəsil prosessora malikdir.

Facemark.az xəbər verir ki, bəzi qurğularda standart olaraq 16 GB daha sürətli 3733 MHz yaddaş təklif edir. Yenilənən 13 inçlik yeni MacBook Pro hazırda təkcə 16 inç MacBook Pro-da olan yeni Magic Keyboard ilə hazırlanıb. Martda isə bu funskiya MacBook Air-ə də əlavə ediləcək.

Yeni MacBook Pro bir öncəki nəsil ilə müqayisədə ikiqar daha çox yaddaş tutumu təklif edir. Bildirək ki, cihaz 256 GB-dan başlayan standart yaddaş tutumunu 1 TB-a qədər genişləndirib.

13 inç MacBook Pro, böyük foto arxivi və video layihələri üçün daha çox yaddaş tutumuna ehtiyacı olan istifadəçiləri üçün indi 4 TB-a qədər SSD də təklif edir.

13 inçlik yeni MacBook Pro modelləri dörd nüvəli prosessorlar, 13 inçlik Retina ekran, Touch Bar, Touch ID, ev stereo səsgücləndiricilərinə malikdir.

Xatırlatmaq yerinə düşər ki, cihaz 1557 dollar və təhsil üçün 1464 dollardan başlayan qiymətlər ilə satılacaq. Ən yüksək yaddaş tutumuna malik 13 inçlik yeni MacBook Pro modeli isə 2447 dollar etiket qiyməti ilə satışa çıxarılacaq.