“Apple” şirkətinin xalis mənfəəti 2019-2020-ci maliyyə ilinin ikinci rübündə 2,7 faiz azalaraq 11,2 milyard ABŞ dolları təşkil edib.

“Kommersant” xəbər verir ki, şirkət “iPhone” telefonlarının gəlirindən də məhrum olub.

Belə ki, “iPhone” telefonlarının satışından əldə edilən gəlir 6,7 faiz azalaraq 28,9 milyard dollar təşkil edib.

“iPad”in satışında isə 10 faiz geriləmə müşahidə olunub.

Qeyd ədək ki, 2019-2020-ci maliyyə ilinin ilk rübündə “Apple” rekord rüblük gəlir (91,8 milyard dollar) əldə etdiyini elan etmişdi.