Finss.az xəbər verir ki, çərşənbə axşamı keçirilən ticarət sessiyası zamanı alüminiumun qiyməti son 3,5 ilin maksimum səviyyəsinə çatıb.

London Metal Birjasında (LME) üç aylıq alüminium fyuçerslərinin qiyməti Moskva vaxtı ilə saat 19:40-da 0,6% artaraq ton üçün 2893,50 dollar təşkil edib. Ticarət sessiyası ərzində isə qiymət ton üçün 2900,30 dollara qədər yüksəlib — bu, 2022-ci ilin may ayından bəri ən yüksək göstəricidir.

Trading Economics portalının məlumatına görə, qiymət artımına səbəb qısamüddətli təklifin məhdudluğu və uzunmüddətli dövrdə alüminiuma olan tələbin artması ilə bağlı müsbət proqnozlar olub.

Analitiklər qeyd edirlər ki, enerji xərclərinin artması, istehsalın bəzi regionlarda azalması və yaşıl enerji keçidi fonunda metallara tələbin yüksəlməsi alüminium bazarını dəstəkləyən əsas faktorlar sırasındadır.