Finss.az xəbər verir ki, ABŞ-ın aparıcı neft xidmətləri şirkəti Baker Hughes-in yayımladığı son statistikaya əsasən, 2025-ci ilin sentyabr ayında dünya üzrə aktiv neft və qaz qazma qurğularının sayı artım göstərib.

Avqust ayında qlobal miqyasda orta hesabla 1781 qurğu fəaliyyət göstərirdisə, sentyabr ayında bu rəqəm 1793-ə yüksəlib. Bu göstərici ötən ilin (2024-cü ilin sentyabr ayı) eyni dövrü ilə müqayisədə 147 qurğu çoxdur.

ABŞ ərazisində sentyabrda aktiv qazma qurğularının sayı avqustla müqayisədə 3 ədəd artaraq 545-ə çatıb. Eyni zamanda, Kanadada da artım müşahidə olunub – qazma qurğularının sayı 187-yə yüksəlib.

Bu dinamika qlobal enerji sektorunda fəaliyyətin yenidən canlandığını göstərir və neft-qaz hasilatına olan tələbatın artmaqda olduğunu göstərən əsas indikatorlardan biri hesab edilir.