Finss.az xəbər verir ki, Çinin Bazarın Tənzimlənməsi üzrə Dövlət Administrasiyası (SAMR) ilkin araşdırma zamanı ABŞ-ın qrafik prosessor istehsalçısı Nvidia Corp. tərəfindən antiinhisar pozuntuları aşkar edib.

Təhqiqat 2024-cü ilin dekabrında Nvidia-nın yüksək sürətli kommutasiya olunan kompüter şəbəkəsi avadanlığı istehsalçısı olan ABŞ-İsrail Mellanox Technologies Ltd. ilə birləşməsi ilə bağlı başladı.

SAMR-in bəyanatında pozuntularla bağlı təfərrüatlar verilməsə də, daha ətraflı araşdırma aparmaq niyyətində olduğunu açıqlayıb.

Nvidia 2019-cu ildə Mellanoxu 6,9 milyard dollara almaqla bağlı müqaviləni tamamladı. O zaman bu, Nvidia tarixində rekord sövdələşmə idi.

Nvidia-nın bazar kapitallaşması 2025-ci ilin əvvəlindən 32,4% artıb.