Finss.az xəbər verir ki, Etalon İnkişaf Qrupu (MKPAO Etalon Group) Moskva Birjasında açıq abunə yolu ilə 400 milyonadək əlavə adi səhm yerləşdirməyi planlaşdırır. Səhmlərin nominal dəyəri 0,006 rubl təşkil edir.

Səhmlərin yerləşdirmə qiyməti bazar dəyərinə əsasən, üstünlük hüququ başa çatdıqdan sonra müəyyən ediləcək. Şirkətin növbədənkənar ümumi yığıncağının (EGM) materiallarında qeyd olunub ki, bu proses AFK Sistema-dan AO Business-Real Estate şirkətinin alınmasının maliyyələşdirilməsinə xidmət edəcək.

Sözügedən əməliyyat çərçivəsində Moskva və Sankt-Peterburqda yerləşən 42 torpaq sahəsi Etalon Group-un aktivlərinə daxil olacaq.