Finss.az xəbər verir ki, ChatGPT-nin yaradıcısı OpenAI proqram təminatı funksiyalarının sınaqdan keçirilməsi üçün alətlər hazırlayan Statsig startapını təxminən 1,1 milyard dollara əldə edib. Sövdələşmə tamamilə OpenAI səhmləri ilə ödəniləcək.

Müqavilə nəticəsində Statsig-in baş direktoru Vijay Raji OpenAI proqramlarının texniki direktoru təyin olunacaq və ChatGPT ilə Codex mühəndislik işlərinə rəhbərlik edəcək. Statsig işçiləri OpenAI-yə qoşulacaq, lakin şirkət müstəqil fəaliyyətini davam etdirərək öz məhsullarını inkişaf etdirəcək və müştəri bazasına xidmət göstərəcək.