Finss.az xəbər verir ki, İtaliyanın məşhur Valentino moda evi Rikkardo Bellinini yeni baş direktor təyin edib. Bellini bu vəzifəyə sentyabrın əvvəlində başlayacaq və Jacopo Venturini əvəz edəcək.

Bellini hazırda Valentinonun əksər səhmlərinə sahib olan Qətərdə yerləşən Mayhoola şirkətinin idarəedici direktoru vəzifəsində çalışır. Onun karyerasına Maison Margiela və Chloe moda brendlərində idarəetmə, həmçinin Diesel və Procter Gamble şirkətlərinin top menecmentində üzv kimi təcrübələr daxildir.

Valentino 1960-cı ildə Valentino Garavani və Giancarlo Giammetti tərəfindən təsis edilib. Hazırda Fransız Kering qrupu (Gucci, Yves Saint Laurent, Bottega Veneta, Balenciaga və Alexander McQueen-in sahibi) şirkətin 30%-ni Mayhoola-dan 2023-cü ildə 1,7 milyard avroya alıb. Kering qalan payı isə 2028-ci ildən gec olmayaraq əldə edə bilər.