Finss.az xəbər verir ki, Cənubi Koreyanın SK Hynix şirkətinin biznes planlaşdırma şöbəsinin rəhbəri Choi Joon-young, Reuters agentliyinə açıqlamasında bildirib ki, süni intellekt (AI) inkişafı üçün nəzərdə tutulmuş yaddaş çipləri bazarı 2030-cu ilə qədər ildə təxminən 30% artacaq.

“Süni intellekt komponentlərinə son istifadəçi tələbatı çox güclü və davamlıdır,” – deyə o vurğulayıb.

Şirkətin proqnozuna əsasən, bazar 2030-cu ilə qədər on milyardlarla dollara çatacaq. Choi əlavə edib ki, AI texnologiyalarına böyük investisiyalar qoyan bulud xidməti təminatçıları yaxın illərdə kapital xərclərini artırmaq niyyətindədir. Bu da yüksək bant genişliyinə malik yaddaş (HBM) bazarına birbaşa müsbət təsir göstərəcək.

Onun sözlərinə görə, SK Hynix-in proqnozu mühafizəkardır və potensial risklər, xüsusən də enerji resurslarının mövcudluğu nəzərə alınıb.