Finss.az xəbər verir ki, məşhur moda brendlərinin sahibi olan Fransanın Kering SA holdinqi 2025-ci ilin birinci yarısında xalis mənfəətinin və gəlirinin kəskin azaldığını bildirib.

Yanvar-iyun aylarında şirkətin xalis mənfəəti 474 milyon avro, davam edən fəaliyyətdən əməliyyat mənfəəti 969 milyon avro təşkil edib. Bir il əvvəl bu rəqəmlər müvafiq olaraq 878 milyon avro və 1,58 milyard avro idi.

Kerinqin gəliri 16% azalaraq 7,59 milyard avroya düşüb. Müqayisəli satışlar 15% azalıb.

Gucci brendinin dünya üzrə satışları 26% azalaraq 3,03 milyard avroya düşüb. Yves Saint Laurent brendinin gəliri 11% azalaraq 1,29 milyard avroya düşüb. Botteqa Venetanın gəliri 1% artaraq 846 milyon avro təşkil edib. Balenciaga və Alexander McQueen də daxil olmaqla digər brendlərin gəlirləri ümumilikdə 15% azalaraq 1,46 milyard avroya düşüb.

Kerinqin xalis borcu ilin birinci yarısının sonunda 9,5 milyard avro təşkil edib.

2025-ci ilin əvvəlindən Kering-in bazar kapitallaşması 10,8% azalaraq 26,47 milyard avroya düşüb.