2025-ci ilin 1-ci yarımili ərzində Dövlət Miqrasiya Xidmətinə (DMX) fəaliyyət istiqamətləri üzrə 259 316 müraciət daxil olub.

Finss.az-ın DMX-in rəsmi saytına istinadən xəbər verir ki, müraciətlərin bölgüsü aşağıdakı kimi olub:

• Əcnəbilərin və vətəndaşlığı olmayan şəxslərin Azərbaycan Respublikasında olduğu yer üzrə qeydiyyata alınması ilə bağlı müraciətlər – 150 548
• Azərbaycan Respublikasının ərazisində yaşama icazələrinin alınması və müddətinin uzadılması ilə bağlı müraciətlər – 35 629
• Vətəndaşlıq məsələləri ilə bağlı müraciətlər – 888
• Azərbaycan Respublikasının vətəndaşlığına mənsubiyyətin müəyyənləşdirilməsi ilə bağlı müraciətlər – 6 753
• Əcnəbilərin və vətəndaşlığı olmayan şəxslərin Azərbaycan Respublikasının ərazisində haqqı ödənilən əmək fəaliyyəti ilə məşğul olması üçün iş icazəsinin alınması və müddətinin uzadılması ilə bağlı müraciətlər – 5 950
• Çağrı mərkəzinə daxil olan zənglər – 35 994
• Xidmətin sosial şəbəkə hesabları və “onlayn bələdçi” xidməti vasitəsilə daxil olan müraciətlər – 7 142
• Vətəndaşlardan, əcnəbilər və vətəndaşlığı olmayan şəxslərdən müxtəlif məsələlərlə bağlı daxil olmuş ərizə, şikayət və təkliflər – 5 540
• Digər müraciətlər – 10 872

Tənzimlənməyən miqrasiyaya qarşı mübarizə tədbirləri çərçivəsində Miqrasiya Məcəlləsi və İnzibati Xətalar Məcəlləsinin tələblərinin pozulmasına görə 9 714 qərar qəbul edilib.