“Xüsusi Təhlükəli İnfeksiyalara Nəzarət Mərkəzi” publik hüquqi şəxsi (XTİNM) balansında olan “yanğınsöndürmə” balonlarının müayinə olunaraq yenidən doldurulması xidmətlərinin satın alınması məqsədilə tender elan edib.

Finss.az xəbər verir ki, bu barədə məlumat dövlət satınalmalarının rəsmi portalında yayımlanıb.

Müsabiqənin nömrəsi 114422-dir və o, “46191600 – Yanğınsöndürmə avadanlığı” təsnifat kodu üzrə qeydiyyata alınıb. Layihənin ehtimal olunan dəyəri 2.631,70 manat təşkil edir.

Tenderdə iştirak etmək üçün təchizatçılardan 10 manat iştirak haqqı və 25 manat istifadə haqqı tələb olunur. Qeyd edilib ki, iştirak haqqı yalnız tenderdə iştirakçıların sayı üçdən az olduqda və satınalma baş tutmadıqda qaytarıla bilər. İstifadə haqqı isə heç bir halda geri qaytarılmır.

Təkliflərin təqdim olunması üçün son tarix 21 iyul 2025-ci il saat 11:00-dır. Eyni tarix və saatda zərflərin açılışı da həyata keçiriləcək.

Tenderdə iştirak etmək istəyən şəxslər ətraflı məlumat və sənədlərlə tanış olmaq üçün etender.gov.az portalına daxil ola bilərlər.

Bu satınalma tədbiri XTİNM-in yanğın təhlükəsizliyi infrastrukturunun yenilənməsi və operativliyin artırılması məqsədi daşıyır.

Fuad Mədətov
Finss.az