Almaniyada pərakəndə satışlar may ayında əvvəlki ayla müqayisədə 1,6% azalıb, ölkənin Federal Statistika İdarəsi (Destatis) bildirib.

Trading Economics-ə görə, analitiklər orta hesabla 0,5% artım proqnozlaşdırmışdılar.

Yenidən işlənmiş məlumatlara görə, aprel ayında pərakəndə satışlar əvvəllər bildirilən 1,1% əvəzinə 0,6% azalıb.

Almaniyada ərzaq pərakəndə satışları keçən ay 1,3%, qeyri-ərzaq pərakəndə satışları isə 2,2% azalıb. Elektron ticarət və poçt sifarişi üzrə satışlar 1,4% azalıb.

Almaniyada pərakəndə satışlar may ayında keçən ilin eyni ayı ilə müqayisədə 1,6% artıb. Ekspertlər orta hesabla 3,3% artım gözləyirdilər.

Aprel ayında satışlar əvvəlki illə müqayisədə 2,3% deyil, 2,9% artıb.