Finss.az xəbər verir ki, bu göstəricini hesablayan tədqiqat təşkilatı Conference Board-un hesabatına əsasən, ABŞ-da istehlakçı inamı indeksi iyun ayında 93 bəndədək azalıb.

Yenidən işlənmiş məlumatlara əsasən, may ayında göstərici dəyəri əvvəllər bildirildiyi kimi 98 bal yox, 98,4 bal təşkil edib.

"Trading Economics"in məlumatına görə, ekspertlər indeksin əvvəllər elan edilmiş may səviyyəsindən orta hesabla 100 bəndədək yüksələcəyini gözləyirdilər.

ABŞ istehlakçılarının mövcud vəziyyətə münasibətinin alt indeksi iyunda 6,4 bənd azalaraq 129,1 bənd olub.

İstehlakçı gözləntiləri göstəricisi 4,6 bənd itirərək 69 bənd təşkil edib. Bu göstəricinin 80 baldan aşağı olması çox vaxt bir il ərzində iqtisadiyyatda tənəzzülün başlanmasına işarədir.