Finss.az xəbər verir ki, ABŞ Cənubi Koreyanın çip istehsalçıları Samsung Electronics və SK Hynix, eləcə də Tayvan Semiconductor Manufacturing Company-ni (TSMC) Çində Amerika texnologiyalarına çıxışdan məhrum etmək istəyir. Bu barədə məlumatlı mənbələrə istinadən “The Wall Street Journal” məlumat yayıb.

ABŞ Ticarət Nazirinin Sənaye və Təhlükəsizlik üzrə müavini Jeffrey Kessler bu həftə üç şirkətə Çində Amerika texnologiyasından istifadə etməyə icazə verən istisnaları ləğv etmək istədiyini söylədi. Kessler eyni zamanda Ticarət Departamentinin ixraca nəzarət edən Sənaye və Təhlükəsizlik Bürosuna rəhbərlik edir.

WSJ mənbələrinin məlumatına görə, Kessler bu addımı Tramp administrasiyasının kritik Amerika texnologiyalarının Çinə tədarükünə qarşı mübarizəsinin bir hissəsi adlandırıb.