Azərbaycan Dövlət Neft Şirkəti (SOCAR) Özbəkistanın Qaraqalpaq investisiya blokunda birgə geoloji kəşfiyyat işlərinin aparılması imkanlarını öyrənir.

Finss.az xəbər verir ki, bunu iqtisadiyyat naziri Mikayıl Cabbarov Bakıda keçirilən III Azərbaycan-Özbəkistan regionlararası forumda deyib.

Nazir bildirib ki, Özbəkistanla ikitərəfli əməkdaşlığın perspektivli sahələrindən biri enerji sektorudur.

M.Cabbarov yaxın zamanda həmin yataqla bağlı genişmiqyaslı işlərin başlanacağına ümid etdiyini qeyd edib.