Finss.az xəbər verir ki, Milli Statistika İdarəsinin (ONS) hesabatına görə, may ayında Böyük Britaniyada istehlak qiymətləri illik müqayisədə 3,4% artıb.

Aprel ayında inflyasiya da 3,4% təşkil edib. Trading Economics-ə görə, analitiklər orta hesabla keçən ay qiymət artımının bu səviyyədə qalacağını proqnozlaşdırmışdılar.

Əvvəlcə ONS aprel ayında qiymətlərin 3,5% artdığını bildirsə də, sonra hesablama səhvinə görə təxminində düzəlişlər edib.

Mayda ərzaq və alkoqolsuz içkilər 4,4% (apreldə 3,4%), əyləncə və istirahət 3,2% (3,1%), nəqliyyat xidmətləri 0,7% (3,3%) bahalaşıb. Restoran və mehmanxanalarda qiymətlər 2,8% (2,7%) artıb. Eyni zamanda, geyim və ayaqqabıların qiyməti apreldə 0,4% ucuzlaşdıqdan sonra 0,3% ucuzlaşıb.