Finss.az xəbər verir ki, çərşənbə günü səhər sərmayəçilər ABŞ-Çin ticarət danışıqlarının nəticələrini qiymətləndirərkən, hər iki tərəfdən rəsmi açıqlamalar gözlədiyi üçün neft qiymətləri bir qədər aşağı düşür.

Londonun ICE Futures birjasında Brent markalı avqust fyuçerslərinin qiyməti Moskva vaxtı ilə saat 8:06-a 0,1 dollar (0,15%) ucuzlaşaraq 66,77 dollar/barelə bərabər olub. Çərşənbə axşamı bu kontraktlar 0,17 dollar (0,3%) ucuzlaşaraq 66,87 dollar/barelə düşüb.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində iyul ayı üçün WTI neftinin fyuçersləri 0,03 dollar (0,05%) ucuzlaşaraq 64,95 dollar/barelə bərabər olub. Çərşənbə axşamı sessiyasının yekunlarına əsasən, bu müqavilələrin qiyməti 0,31 dollar (0,5%) azalaraq 64,98 dollar/barel təşkil edib.

Çinin beynəlxalq ticarət danışıqları üzrə nümayəndəsi Li Çenqanq bildirib ki, Çin və ABŞ rəsmiləri iki liderin son telefon danışığında və Cenevrədəki ilk danışıqlarında əldə olunan razılaşmaların həyata keçirilməsi üçün çərçivə haqqında razılığa gəliblər.