Dünyanın ən böyük qida və sərinləşdirici içki istehsalçısı olan İsveçrənin Nestle şirkəti 2025-ci ilin birinci rübündə məhsullarının yüksək qiymətləri hesabına gəlirini 2,8% artırıb, analitiklər isə orta hesabla 2,6% artım gözləyirdilər.

Finss.az xəbər verir ki, şirkətin press-relizinə görə, yanvar-mart aylarında gəlir ötən ilin eyni dövründəki 22,09 milyard frankla müqayisədə 22,6 milyard İsveçrə frankı (27,33 milyard dollar) təşkil edib.

Şirkət məhsullarının qiymətini orta hesabla 2,1%, satış həcmi isə cəmi 0,7% artıb.

Nestle-nin Şimali və Cənubi Amerikada yanvar-mart aylarında illik gəliri faktiki olaraq dəyişməyərək 8,6 milyard frank olub, Asiya, Afrika və Okeaniyada isə bu rəqəm 3,6% artaraq 5,5 milyard frank, Avropada isə 2,5% artaraq 4,4 milyard frank olub.