Bazar ertəsi ticarətdə ABŞ dolları əsas dünya valyutaları qarşısında kəskin şəkildə zəifləyib.

Finss.az xəbər verir ki, dolları altı valyutaya (avro, İsveçrə frankı, yen, Kanada dolları, funt sterlinq və İsveç kronu) qarşı izləyən ICE DXY indeksi 1,2%, daha geniş WSJ Dollar İndeksi isə 0,8% azalıb.

DXY aprelin əvvəlindən 4.6% itirdi və Prezident Donald Trampın Federal Ehtiyat Sisteminin sədri Jerome Pauelə hücumlarından sonra ABŞ-ın iqtisadi siyasətinə dair qeyri-müəyyənlik artdığı üçün 2022-ci ilin fevralından bəri ən aşağı səviyyəyə çatıb.

Keçən həftə Tramp Pauellə sərt hücuma keçərək onu faiz dərəcələrini azaltmaq istəməməkdə ittiham etdi. Ağ Evin iqtisadi müşaviri Kevin Hassett daha sonra prezident və komandasının Paueli işdən çıxarmaq imkanlarını araşdırmağa davam etdiyini söylədi.

Financial Times yazır ki, Çin investisiya bankı CICC analitikləri ABŞ-ın daxili siyasətinin qeyri-müəyyənliyi dolların və ABŞ Xəzinədarlığının "daha çox riskli aktivlər kimi davranmasına" səbəb olur.