Finss.az - "Financial Times" yazır ki, Dubay şokoladının sürətlə artan populyarlığı püstənin qlobal qıtlığına və qiymətlərinin kəskin yüksəlməsinə səbəb olub.

Fındıq treyderi CG Hacking-in verdiyi məlumata görə, püstə ləpələrinin qiyməti yalnız bir il ərzində 7,65 dollardan 10,30 dollara qədər qalxıb. Şirkət, şokoladçılara yeni desert təqdim edildikdə, onların "əllərinə keçən püstəni" alaraq digər müştəriləri püstəsiz qoyduqlarını bildirib.

Şirkətin sözçüsü Giles Hakingin sözlərinə görə, "Püstə dünyası hazırda demək olar ki, tükənib".

İran dünyada ikinci ən böyük püstə istehsalçısıdır. İran gömrük xidmətinin statistikasına əsasən, son altı ayda ölkə BƏƏ-yə əvvəlki dövrlə müqayisədə 40% daha çox püstə ixrac edib. İran Püstə İstehsalçıları Assosiasiyasının İdarə Heyətinin üzvü Behrouz Agah, FT-yə bildirib ki, hazırkı püstə qıtlığı 2023-cü ildə püstə tədarükü alıcıların tələbatını üstələdiyi və nəticədə qiymətlərin aşağı düşməsinə səbəb olan zəif tələbdən sonra yaranıb.

Bununla yanaşı, Britaniya şokolad istehsalçısı Prestat Group, Dubay şokoladının "heç bir yerdən peyda olmasından" və indi demək olar ki, hər mağazada tapıla bilməməsindən şikayətlənib. Şirkətin CEO-su Çarlz Jandreu bildirib ki, "Heç kim buna hazır deyildi", həmçinin qaymaqda istifadə olunan xırdalanmış xəmirin əldə edilməsi çətinləşib.

FT, Dubay şokoladına olan yüksək tələbat səbəbindən, bəzi İngiltərə mağazalarında bir nəfərin ala biləcəyi plitka sayısının məhdudlaşdırıldığını qeyd edir. Prestat Group da bildirib ki, şirkətin kifayət qədər Dubay şokoladı istehsal etmək üçün lazımi resursları yoxdur.

Dubay şokoladı 2021-ci ildə təqdim edilib və Birləşmiş Ərəb Əmirliyinin şokolad istehsalçısı FIX tərəfindən yaradılıb. Dubay şokoladı 2023-cü ilin dekabrında TikTok-da 120 milyon baxış toplayaraq qlobal sensasiyaya çevrilib.