“Trading Economics” xəbər verir ki, neft qiymətləri ABŞ-İran danışıqlarında irəliləyişlə potensial tədarük məhdudiyyətləri ilə bağlı narahatlıqları azaldıb. Bununla belə, treyderlər hələ də ABŞ prezidenti Donald Trampın ticarət müharibəsinin qlobal iqtisadiyyata və enerji tələbatına təsirindən narahatdırlar.

Finss.az xəbər verir ki, Bakı vaxtı ilə saat 8:06-da Londonun ICE Futures birjasında Brent markalı iyun fyuçersləri 1,13 dollar (1,7%) ucuzlaşaraq 66,83 dollar/barelə bərabər olub. Bu vaxta qədər WTI markalı neftin iyun fyuçersləri Nyu-Yorkun NYMEX əmtəə birjasında elektron hərraclarda bir barelə görə 1,09 dollar (1,7%) ucuzlaşaraq 62,92 dollar təşkil edib.