Cənubi Koreya 2024-cü ilin sonuna kimi Rusiyadan rekord məbləğdə - 3,8 milyon dollar dəyərində arpa alıb.

Fins.az xəbər verir ki, hesabat dövründə Rusiya Cənubi Koreyaya 15,2 min ton arpa satıb. Rusiya ixracatçılarının satış gəlirləri 130 dəfə artıb. Beləliklə, 2023-cü ildə Rusiya arpasının Asiya ölkəsinə tədarükü 92 ton üçün təqribən 29 min dollar dəyərində qiymətləndirilir. 2024-cü ildə tədarüklər ikitərəfli ticarət statistikası saxlanmağa başlayandan bəri ən yüksək olub.

Bu məhsulun tədarük strukturunda Rusiya beşinci yerdən ikinci yerə yüksəlib. Cənubi Koreyaya arpa ixracında lider Avstraliyadır (20,1 milyon dollar). İlk üçlüyü 3,6 milyon dollarla ABŞ tamamlayıb.

Dekabrın birinci yarısında TASS yazıb ki, Koreya Respublikası oktyabrda Rusiyadan 96,5 milyon dollara alüminium alıb ki, bu da 2012-ci ilin iyunundan bəri ən yüksək aylıq göstəricidir. 2012-ci ilin iyun ayında Seul Rusiyadan 117 milyon dollar dəyərində alüminium idxal edib.

Bundan əvvəl Cənubi Koreyanın bir Rusiya məhsulunun alış həcmini artırdığı bildirilirdi.