Filippinin ticarət naziri Cristina Roque, ABŞ-ın Filippin məhsullarına tətbiq etdiyi 17%-lik tariflərə cavab olaraq Manilanın Amerika mallarına tarifləri azaltmağı nəzərdən keçirdiyini söylədi. Bu barədə Bloomberg məlumat yayıb.

Finss.az xəbər verir ki, o, hökumətin Amerika mallarına rüsumları azaltmağı planlaşdırıb-azaltmayacağı ilə bağlı sualı cavablandırarkən, "Biz həqiqətən də bunu edəcəyik" dedi və əlavə etdi ki, nazirlik tezliklə rüsumların azaldılacağı malların siyahısını müzakirə edəcək.

Nazir həmçinin bildirib ki, Filippinin üzvü olduğu Cənub-Şərqi Asiya Ölkələri Assosiasiyası (ASEAN) tərəfindən ABŞ-ın tariflərinə potensial kollektiv reaksiyaya qoşulmağı nəzərdən keçirir.