Dünyanın ən böyük onlayn pərakəndə satışı ilə məşğul olan Amerika Amazon.com Inc., Çinin ByteDance şirkətindən bütün TikTok sosial şəbəkəsini almaq üçün ərizə təqdim edib. Bu barədə “The New York Times” məlumatlı mənbələrə istinadən yazır.

Finss.az xəbər verir ki, sosial şəbəkə üçün xərclər smetası təklifin bir hissəsi kimi göstərilməyib.

Bununla belə, TikTok-un mülkiyyət strukturunu dəyişdirmək üçün danışıqlarda iştirak edən müxtəlif tərəflər Amazon-un təklifini ciddi qəbul etmir, deyə mənbələr bildiriblər. Bu təklif ABŞ-ın vitse-prezidenti J.D.Vensə və ölkənin ticarət naziri Hovard Lutnikə ünvanlanmış məktubda səslənib.

ABŞ qanunlarına görə, şənbə günündən etibarən TikTok, ABŞ bölməsi qeyri-Çin qurumlarına satılmasa, ölkədə fəaliyyətini davam etdirə bilməyəcək.