İsveçrənin UBS Group AG şirkəti əvvəllər aldığı rəqib Credit Suisse-in biznesinin inteqrasiyası çərçivəsində İtaliyada 180 işçini ixtisar etməyi planlaşdırır.

Finss.az xəbər verir ki, maliyyə şirkəti İtaliya həmkarlar ittifaqlarının nümayəndələrinə UBS Europe SE-nin aktivlərin idarə edilməsi bölməsində 162 işçini ixtisar etmək niyyəti barədə məlumat verib. Qalan ixtisarlar sərvətlərin idarə edilməsi sahəsində İtaliya biznesindən - UBS Fiduciaria SpA-dan gələcək.

UBS-in açıqlamasında bildirilir ki, maliyyə şirkəti İtaliyadakı əməliyyatlarının strukturunu optimallaşdırmağı planlaşdırır.

"İtaliya UBS qrupunun gələcək inkişafı üçün strateji əhəmiyyətli region olaraq qalır", - bəyanatda deyilir.

Həmkarlar ittifaqları, xüsusən də maliyyə qurumunun İtaliyada gələcək strategiyasını aydınlaşdırmaq üçün UBS-dən görüş istəyib.