Qızıl qiymətləri 2024-cü ildə təxminən 30% artdı və yüksəliş tendensiyası 2025-ci ildə də davam edəcək, belə ki, qızıl iqtisadi və siyasi qeyri-sabitlik dövründə investorlar tərəfindən “təhlükəsiz sığınacaq” kimi görünməyə davam edəcək. Bu barədə “İzvestiya” ekspertlərə istinadən məlumat yayıb.

Fins.az xəbər verir ki, belə ki, “Kredcheck” xidmətinin təsisçisi Elman Mehdiyevin fikrincə, dünyada artan iqtisadi və siyasi turbulentlik fonunda qızıl bahalaşacaq. O qeyd edir ki, mərkəzi banklar öz ölkələri üçün artan risklər fonunda qızıl və digər əbədi aktivləri artırmağa davam edəcəklər, xüsusən kriptovalyutaların artması ilə əlaqədar valyuta ehtiyatlarının qeyri-stabilləşməsini nəzərə alsaq.

BCS World of Investments-in fond bazarı üzrə eksperti Dmitri Puçkarev 2025-ci ildə qızıl qiymətlərinin bir unsiya üçün 2,6-2,9 min dollar səviyyəsinə yüksələcəyini proqnozlaşdırır. Onun fikrincə, əsas artım amilləri ABŞ Federal Ehtiyat Sisteminin (FRS) faiz dərəcələrini yumşaltması və mərkəzi banklar tərəfindən qiymətli metal alışlarının davam etdirilməsi gözləntiləri olacaq.

Digital Broker analitiki İvan Efanov hesab edir ki, ABŞ dollarının mümkün möhkəmlənməsinə baxmayaraq, qızılın qiyməti 2025-ci ilin sonuna qədər bir unsiya üçün 3 min dollara çata bilər. Onun sözlərinə görə, qeyri-sabitlik və geosiyasi təlatümlər şəraitində qızıl axtarılan aktiv olaraq qalır.

Bundan əvvəl Bloomberg, UBS-in proqnozuna istinad edərək, 2025-ci ilin sonuna qədər birjada qızılın unsiya üçün 2900 dollara yüksələcəyini yazmışdı.

Əvvəllər alimlər qızıl yataqlarının əmələ gəlməsinin sirrini açmışdılar.