Fins.az - İqtisadi İslahatların Təhlili və Kommunikasiya Mərkəzi (İİTKM) 2024-cü ilin dekabr ayında "İxrac İcmalı"nın hesabatını təqdim edib.

İcmala əsasən, bu ilin yanvar-noyabr ayları ərzində Azərbaycanın qeyri-neft-qaz ixracı 2023-cü ilin müvafiq dövrü ilə müqayisədə 1,9% artaraq 3,1 milyard ABŞ dolları təşkil edib. Eyni dövr ərzində yeyinti məhsullarının ixracı isə 12,3% artaraq 923 milyon ABŞ dollarına çatıb.

2024-cü ilin yanvar-noyabr ayları ərzində qeyri-dövlət ixracatçı subyektlərin reytinqində aşağıdakı şirkətlər yer alıb:

1. “MKT İstehsalat Kommersiya” MMC
2. “Silk Vey Vest Aviaşirkəti” MMC
3. “ASG Business Aviation” MMC
4. “Baku Steel Company” QSC
5. Süleymanova Göhər Süleyman qızı
6. “Azərbaycan Şəkər İstehsalat Birliyi” MMC
7. “Azərbaycan İnterneyşnl Mayninq Kompani Limited Şirkəti”nin Azərbaycan Respublikasındakı nümayəndəliyi
8. “Tabaterra” QSC
9. “Khan-El” MMC
10. “Atena” Məhdud Məsuliyyətli Cəmiyyəti

Qeyri-neft sektoru üzrə ixrac əməliyyatlarında iştirak edən dövlətə məxsus olan şirkətlər isə aşağıdakılardır:

1. ARDNŞ-nin Marketinq və İqtisadi Əməliyyatlar İdarəsi
2. “SOCAR Polymer” MMC
3. “AzerGold” QSC
4. “Azəralüminium” MMC
5. “Azərenerji” ASC
6. “Azərpambıq Aqrar Sənaye Kompleksi” MMC
7. “Azərbaycan Hava Yolları” QSC
8. Naxçıvan MR Dövlət Energetika Xidməti
9. “Suraxanı Maşınqayırma Zavodu” ASC
10. “Azəripək” MMC

Hesabata əsasən, 2024-cü ilin yanvar-noyabr aylarında Azərbaycan Kosmik Agentliyi (Azərkosmos) tərəfindən 50 ölkəyə 16,9 milyon ABŞ dolları dəyərində peyk telekommunikasiya xidmətləri ixrac olunub. Bu xidmətlərin ixracı Azərkosmosun ümumi gəlirlərinin 73%-ni təşkil edib. 2024-cü ilin noyabr ayında isə Azərkosmos 40 ölkəyə 1,5 milyon ABŞ dolları dəyərində xidmət ixrac edib.