Finss.az - Qazaxıstan ekoturizmi inkişaf etdirməklə və tülpan yetişdirməklə dünya çiçək bazarında Hollandiyaya rəqib ola bilər.

Sırdərya-Türküstan Dövlət Regional Təbiət Parkının elmi əməkdaşı Qani Nazarbekin sözlərinə görə, ölkədə 42 növ tülpan bitir, onların əksəriyyəti Qırmızı Kitaba daxildir.

O bildirir ki, Qazaxıstan tülpan təkcə təbiətdə deyil, istixanalarda da yetişdirməyə başlasa, 3-4 il ərzində beynəlxalq bazara çıxa bilər. Dünyada milyardlarla tülpan satılır və onların əcdadları məhz Qazaxıstan və Mərkəzi Asiyadan gətirilib.

Bundan əlavə, ekoturizm inkişaf etdirilərsə, tülpan festivalları və tarlalara turlar ölkə iqtisadiyyatına töhfə verə bilər.