S7 Airlines və eyniadlı aviasiya qrupunun yaradıcısı Vladislav Filev Böyük Britaniyanın sanksiyalar siyahısına salınıb, bu barədə həmin ölkə hökumətinin saytında bildirilir.

Sanksiya siyahısında Novaport hava limanı şəbəkəsinin sahibi olan iş adamı Roman Trotsenko və onun oğlu Qleb də var idi.

Siyahı “Rusiya hökuməti üçün strateji əhəmiyyət kəsb edən” sektorlarda çalışan fiziki və hüquqi şəxslərdən ibarətdir. Xüsusilə, Trotsenko təkcə Novaportun sahibi kimi deyil, həm də dağ-mədən, nəqliyyat və kimya sənayesində fəaliyyət göstərən Aeon korporasiyasının qurucusu və keçmiş majoritar sahibi kimi təsvir edilir.

Qleb Trotsenkonun atasından qızıl və mis mədən şirkətləri aldığı və Aeon şirkətinin vitse-prezidenti vəzifəsində çalışdığı deyilir.