Finss.az xəbər verir ki, neft qiymətləri cümə günü enişini sürətləndirdi, lakin həftəni müsbət sahədə başa vura bilər.

Bakı vaxtı ilə saat 13:45-də Londonun ICE Futures birjasında Brent markalı aprel fyuçersləri 0,64 dollar (0,84%) ucuzlaşaraq bir barel üçün 75,84 dollar olub. Bu vaxta qədər WTI markalı neftin aprel fyuçersləri NYMEX birjasında 0,68 dollar (0,94%) ucuzlaşaraq 71,8 dollar/barelə bərabər olub.

Son beş gündə Brent markalı neftin qiyməti 1,6%, WTI qiymətləri isə 1,8% artıb.

ABŞ-ın neft ehtiyatlarına dair həftəlik məlumatlar kotirovkalara aşağı istiqamətli təzyiq göstərir. ABŞ Energetika Nazirliyinin məlumatına görə, ölkədəki kommersiya neft ehtiyatları ötən həftə 4,63 milyon barel artıb. Ekspertlər 3 milyon barel artım gözləyirdilər.

Benzin ehtiyatları 151 min barel, distillə ehtiyatları 2,05 milyon barel azalıb. Analitiklər benzin ehtiyatlarının 1 milyon barel, distillə ehtiyatlarının isə 1,5 milyon barrel azalacağını proqnozlaşdırmışdılar.

ABŞ-ın xam neft idxalı sutkada 488 min barel azalıb, ixrac isə 472 min barel artaraq 960 min barel və ya 6,72 milyon barel olub.