ABŞ Enerji İnformasiya Administrasiyasının (EIA) aylıq hesabatına əsasən, qlobal maye karbohidrogen hasilatı 2025-ci ildə gündə 1,9 milyon barel, 2026-cı ildə isə 1,6 milyon barel artacaq.

Finss.az xəbər verir ki, əvvəlki artım proqnozu 2025-ci il üçün 1,8 milyon barel, 2026-cı il üçün isə 1,5 milyon barel idi.

EIA 2024-cü ildə neft hasilatının təxmininə yenidən baxaraq, onu 240 min barel artıraraq 102,84 milyon barelə çatdırdığı üçün cari ilin sonuna qlobal hasilatın faktiki artımı 1,72 milyon barel təşkil edə bilər.

“Biz yanvarın 10-da Rusiyanın neft sektoruna tətbiq edilən sanksiyaların hasilat proqnozumuza əhəmiyyətli təsir göstərəcəyini gözləmirik”, - deyə hesabatda bildirilir.

EIA qeyd edir ki, Rusiyaya qarşı son sanksiyalar ölkənin neft hasilatını əvvəlki proqnozundan bir qədər azaldacaq (2025-ci ildə 10,47 milyon barel maye və 2026-cı ildə 10,61 milyon barel), lakin əsasən hesabatda proqnozlaşdırılmayan qlobal axınlarda dəyişikliklərlə nəticələnəcək.

ABŞ Energetika Nazirliyinin Rusiyada maye karbohidrogenlərin hasilatı ilə bağlı yeni proqnozu 2024-cü ildəki 10,53 milyon barellə müqayisədə 2025-ci ildə sutkada 10,45 milyon, 2026-cı ildə isə 10,58 milyon barel təşkil edir.