Fins.az - Azərbaycanın Ələt Azad İqtisadi Zonasında yeni hava limanının tikintisinin birinci fazası 2026-cı ilin ikinci rübündə tamamlanacaq.

İlk mərhələdə uçuş-enmə zolağı və əməliyyat binalarının inşası həyata keçiriləcək. İkinci fazada isə inzibati binalar tikiləcək və bu işlər 2029-cu ildə başa çatacaq.

Hava limanı 21 təyyarəni qəbul edəcək və vətəndaşların daşınması üçün dəmiryolu nəqliyyatından istifadə ediləcək. Layihə "yaşıl" konsepsiya əsasında həyata keçiriləcək, bütün binalarda günəş panelləri quraşdırılacaq və elektrik enerjisi ilə işləyən yerüstü nəqliyyat vasitələri istifadə olunacaq. Emissiyaların azaldılması məqsədilə müvafiq nəzarət tədbirləri görüləcək. Hava limanının Beynəlxalq Hava Limanı Təşkilatı tərəfindən akkreditasiyadan keçməsi nəzərdə tutulur.