“Bakı Şampan Şərabları” ASC müvafiq icra hakimiyyəti orqanının yaratdığı qurumun fəaliyyətinə mane olmaqla inzibati xəta törətməkdə ittiham edilir.

Fins.az xəbər verir ki, şirkət barəsində İnzibati Xətalar Məcəlləsinin 548.2-ci maddəsi ilə protokol təqdim edilib.

Bu maddəyə əsasən, maliyyə bazarlarında nəzarət edilən subyektlərin müvafiq orqanın tələb etdiyi məlumatları təqdim etməməsi və ya təhrif olunmuş məlumat verməsi cəzalandırılır. Vəzifəli şəxslər 500-600 manat, hüquqi şəxslər isə 1500-2000 manat cərimə oluna bilər.

Məsələ Bakı Şəhər Nərimanov Rayon Məhkəməsində hakim Gültəkin Əsgərova tərəfindən icra olunur.

Fuad Mədətov
Fins.az