Çin şirkətləri Azərbaycanda geniş bərpaolunan enerji potensialını reallaşdırmaq məqsədilə irimiqyaslı layihələrdə iştirak etməkdə maraqlıdırlar.

Fins.az xəbər verir ki, bu barədə Çin Qloballaşma Mərkəzinin baş elmi işçisi və “China Cities Bluebook Consulting” şirkətinin təsisçisi Eynar Tangen məlumat verib.

Eynar Tangenin sözlərinə görə, yaşıl enerji dəhlizləri və interkonnektorların yaradılması, yaşıl enerjinin ixracı, yaşıl hidrogen və yaşıl ammonyakın istehsalı və nəqli, eləcə də enerji saxlama sistemləri üzrə əməkdaşlıq imkanları diqqətlə qiymətləndirilib. O, bildirib ki, hazırda Çin tərəfdaşları ilə birlikdə 60 və 100 MVt gücündə günəş elektrik stansiyalarının tikintisi planlaşdırılır.

Bu təşəbbüslər, Azərbaycanın enerji sektorunda yaşıl texnologiyaların inkişafını sürətləndirəcək və ölkənin bərpaolunan enerji potensialını daha da irəlilədəcək.